早前嘅體育界盛事，七人欖球賽圓滿結束，好多球迷都意猶未盡，而今日介紹呢兩位靚女，佢哋都好喜歡睇欖球比賽，靚女咁好身材，落到場個個都一定會掛住攬佢哋，兩位分別係日本代表玲木富美奈同埋內地代表文丹妮。
擁有38吋上圍嘅玲木富美奈，自出道以來就一直以童顏巨乳為賣點，成績理想，兩年時間內就出咗超過六張性感寫真DVD，而且單係舊年就一口氣出咗五張咁多，可想而知富美奈佢幾咁受歡迎，而且除咗出碟佢仲做電視節目嘅客席主持，可見佢除咗胸大，原來都係好有腦；另外更做埋舞台劇，雖然唔係重要角色，但對佢嘅演技，已得到好多人嘅認同，而佢好喜歡運動，問佢有冇睇過欖球比賽？佢話有，而且覺得好好玩，有機會真係同佢玩吓至得，但唔知佢攬我好，定我攬佢好呢？
內地人氣偶像文丹妮，最初出道係喺全國大大小小嘅車展裏面，每次都會見到佢嘅身影，只要網友貼出全場靚女車模時，一定有佢份，自此就成為人氣模特兒，短短幾年間，就接拍咗近百輯雜誌攝影同埋廣告代言，其中不乏性感寫真。丹妮拍攝時一啲都唔錫身，每次都能夠拍出攝影師嘅要求效果，令照片更具美感，而丹妮對運動興趣不大，但對欖球就特別有印象，因為啲球員喺球場追逐時，經常驚險百出，令佢睇得心口冒汗，但有時又有搞笑畫面，令佢又驚又喜，十分過癮。
年齡：21歲
三圍：38-26-37
身高：167cm
職業：水着模特兒、女星
年齡：22歲
三圍：33-23-34
身高：172cm
職業：平面模特兒、女星
撰文：祖