慾蒲團:球迷地下酒吧 小心破財失身

隨着NBA賽事進入白熱化階段,好多熱門球隊都去其他城巿作生死決戰,擁躉們為咗支持自己嘅球隊,唔少都會跟住去捧場,球隊贏波自然開心,萬一輸咗就會滿腔怒火要搵地方發洩,而喺當地就有唔少色情場所專為呢啲球迷服務,幫佢哋慾火全消。

啦啦隊裝

好似喺波士頓就有好多地下酒吧,美其名提供酒水服務,實際就係色情場所,而無論邊個城市嚟嘅球迷,睇完波後,自己熱捧嘅球隊贏波好、輸波好,佢哋都會落去捧場,事關呢啲酒吧嘅布置,都同籃球有關,而且只要今日邊個客隊嚟作賽,佢哋都會加入嗰隊嘅特色,令遠嚟嘅客人,增添親切感。而場內嘅囡囡,當然唔少得穿上客隊嘅球衣或者啦啦隊制服,希望與客人打成一片,客人嚟到贏波就會飲酒,輸波同樣飲酒,當酒過三巡有點醉意嘅時候,現場嘅囡囡就會施展渾身解數。

草草了事

囡囡會搵啲早就色迷迷或者醉意正濃嘅男士先埋手,相約佢哋去酒吧內嘅密室進行交易,但大家咪以為啲囡囡會真心服侍客人,佢哋絕大多數都係臨時拉伕,嚟自三山五嶽,囡囡同客人入到密室後,大多數都係草草了事,有啲醉咗嘅客人,更會被人偷錢,再醉得嚴重啲,更會被人丟落後巷,第二日乜嘢錢都冇晒,都唔知怪邊個好!囡囡咁急了事,事關酒吧房間有限,佢哋要再向其他客人埋手,有囡囡話一晚可以做到4、5個客,最少都有一兩個,但咁唔衞生又牙煙,想去幫襯都要諗清楚先。

撰文:小德