雖然大家都知做運動有益，卻硬係冇乜動力去健身室。西班牙畢爾包有間名為「輕鬆健身房」嘅Gym，佢哋為咗吸引男女上去健身，喺早幾日前決定嚟個大改革，化身成裸體健身房。老闆拉塞卡解釋，因畢爾包附近有12個優美嘅天體海灘同天體營，吸引大量從各地慕名而嚟嘅天體愛好者。呢個改變正好吸引佢哋嚟幫襯，又可以有宣傳嘅效果。雖然裸體健身相當有噱頭，但係卻帶嚟唔好嘅影響，唔係因為人多咗唔夠器材用，而係在於個個唔着衫健身，健身器材沾滿汗水，容易滋生細菌，惟有額外提供毛巾嚟清潔喎！
撰文：魂