喜歡睇網球嘅朋友，最近一定會十分留意邁阿密嘅網球賽事，睇吓球壇一哥祖高域能否再奪冠軍，而今日要介紹呢兩位美人都係網球迷，要佢哋落場走嚟走去，一定會耍手擰頭，但要佢哋捧場就絕對冇問題喎！
凱迪係位新進演員，出道都有四年左右，除咗拍攝好多影視作品之外，仲接拍咗唔少平面廣告同雜誌工作，凱迪身形高挑，有成172cm，上圍更有35吋，咁嘅條件真係唔使講嘢，只要露少少出嚟都唔係嘢小，而凱迪一係唔性感，一性感就去到盡，不斷有驚喜畀到大家，所以人氣一直高企，而據稱佢讀書時打過一排網球，但為咗保持雪白肌膚，近年都好少打波，所以只要有時間就會收看相關賽事，而佢嘅最新偶像，當然係一哥祖高域啦！仲話佢打波時好Man兼好性感喎！
巿橋直步係日本新進水着模特兒，佢未夠18歲就出道，拍攝嘅照片就以可愛為主，但踏入18歲之後，直步竟然來個一百八十度嘅轉變，大玩狂野性感之餘，仲喜歡玩制服誘惑，甚麼賽車女郎、白領麗人、可愛女僕等，都成為佢熱衷扮演嘅角色，所以佢嘅作品觀賞性甚高，深受讀者嘅歡迎，而佢喺芸芸運動當中，佢話最喜歡網球，原來同漫畫《網球王子》有關，但要佢落場打就咪搞，佢話打十五分鐘，手瓜就會痛幾日，認真唔掂，都係坐定定喺屋企欣賞，咁至睇得開心嘛！
年齡：25歲
三圍：35-24-35
身高：172cm
職業：模特兒、演員
年齡：20歲
三圍：32-22-34
身高：165cm
職業：水着模特兒
撰文：小德