雖然天氣仲有啲涼，但已經有唔少人急不及待，湧往海灘暢泳。今日介紹呢兩個靚女，佢哋都好喜歡游泳，仲話呢個時候去最啱，海灘人影都唔多個，唔通佢哋喜歡人少少玩裸泳，搵日真係要跟埋去（目及）吓至得。
水着女優中村靜香，出過唔少寫真DVD同埋寫真集，近年主力拍攝電視劇集，但暫時都係啲客串角色，原來靜香好喜歡拍戲，就算唔係做主角，佢都唔介意客串演出。講真靜香近年嘅演技真係進步咗好多，好大可能係日子有功嘅關係。至於運動方面，佢話最喜歡去海濱浴場游泳，即係去海灘游水啦！佢話腳踏細沙，畀微風吹住身體，不知幾爽，而且最好喺呢個時候去海灘，貪唔會人山人海。佢話自己太紅，去啲人太多嘅地方，怕會引起騷亂喎！
陳馨宇08年參加選美比賽入行，之後喺平面模特兒界發展，由於身材出眾，所以一出道冇耐就已經人氣急升，近年抽多咗時間喺影視工作發展，但模特兒嘅工作冇畀佢停落嚟，所以新作仍不時喺網上熱傳，而馨宇話自己曾經有一段時間好喜歡游水，就算冇朋友陪，佢都會走去海邊暢泳，佢話游到冇晒氣瞓喺沙灘上面時，嗰種享受真係人生一大快事，當然如果有男朋喺身邊就更好。佢話呢個時候去游水，一來唔會人逼人，而且想做乜都得！睇嚟佢男朋友跟佢去游水，着數可能多到數都數唔晒！
年齡：22歲
三圍：35、24、37
身高：176cm
職業：模特兒
年齡：23歲
三圍：35、25、34
身高：162cm
職業：模特兒、明星
撰文：祖