唔知大家有冇試過去便利店買安全套呢？買嘅時候要面對嘅問題都幾多，第一要揀個冇乜人嘅時候幫襯，第二最好係揀間只有男店員嘅便利店，第三，仲要詳細了解一下安全套到底合唔合自己嘅尺碼。不過，後兩個問題對於韓國一名男子嚟講，就完全唔會構成煩惱喇。3月19日凌晨兩點幾，韓國全州市牛牙洞一間便利店有一名帶醉嘅25歲男子光顧。佢入到去就選購安全套，揀啱牌子之後，居然將安全套遞到女店員手中，隨後除褲露械，表示要女店員幫佢量度隻套啱唔啱尺寸，女店員當然嚇到花容失色，繼而報警求助啦。
撰文：小德