家陣智能手機十分普及，唔止香港人人有，連內地嘅囡囡都差唔多一人一部，但原來當中好多係山寨貨，雖然外形同功能大部分一樣，但內膽就有天淵之別，價錢更相差十倍咁多，最近就有老友北上作樂時，懷疑遭囡囡偷龍轉鳳招致損失。
話說有個老友北上尋歡作樂，喺倉仔搵咗個潮女，見佢有名牌包包同新款手機，以為佢大把錢，於是就同佢去夜蒲，老友話囡囡部手機上到網又睇到片，功能同自己部差唔多，但由於冇喺內地上網，所以就冇乜攞出嚟玩，反而同囡囡一齊研究佢部手機，期間都問過佢係真係假？囡囡誓神劈願話係真貨，老友不以為意，玩咗成晚之後就去開房共度春宵，兩人入房之後就將電話齊齊放喺床頭櫃上面，大戰數回合後，老友力盡而呼呼入睡，隱約記得囡囡話借佢部手機玩玩，老友當然冇問題。
囡囡攞部手機玩咗好耐，一直到第二朝起身，老友見到兩部手機仲喺床頭，於是各自取回，兩部機外形一樣，只係囡囡嗰部有條電話繩，離開後要派彩，又要Check-out，跟住又要趕火車，所以直到返香港時至發覺畀人偷龍轉鳳，囡囡換咗佢張SIM卡，甚至登入密碼兼字體改埋做繁體，擺明有心掉包，事後攞畀手機店一睇，原來部嘢係內地山寨貨，深圳八舊水就有交易，老友問我點算？我話你返到嚟香港至話畀人換咗手機，邊有得追究，惟有勸佢以後小心啲囉！大家都係呀！
地 點：常平
特攻語錄：名廠手機要小心，偷龍轉鳳盞心噏。
撰文：賢