智能手機功能強勁,仲可以上網同打機,真係令好多男男女女愛不釋手,就連一向都甘於落伍嘅小弟早前都出咗一部,方便我外出夜蒲嘅時候,為我同靚女拍下照片留為紀念。不過,諗諗吓,好彩我部手機唔會用嚟拍艷照,唔係就有排驚喇。繼早前,有份演出《鋼鐵奇俠2》嘅女星Christina Hendricks部手機被黑客透過網絡入侵,繼而將當中嘅艷照抽出之後,演出美國電視劇《Glee》嘅女星Heather Morris又中招,除咗流出一批全裸照片,仲有幾張影到佢同猛男纏綿嘅慾照,大家如果都係用智能手機,手機入面又有艷照就要小心喇!