小木知道內地地大物博，咩都有得玩，不過真係唔知原來公園都有咁好風光。有老友報料，話佢最近去重慶玩，有老友帶佢去公園見識見識，佢初時以為公園最多好似上海咁樣，一大堆阿婆晨運，最多就係有埋徵婚啟事，但估唔到原來有妙齡女郎，係公園搵食，令佢大開眼界。
老友話一向都怕周街勾搭，尤其是身處外地，就更加無安全感，不過佢有老友帶路，就膽粗粗去見識吓，結果佢發現公園每到黃昏時段，就有好多妙齡女郎喺公園內遊蕩，老友話呢啲隨時係出嚟搵食，不過如果唔知碇的話，隨時問錯人，畀人鬧到一面屁。所以最好都係睇定啲，睇啱的話，就望多兩眼，如果佢係出嚟搵食，一定會留意到你，自然會發出訊號，甚至主動上前結識，所以唔使咁心急，當係去公園乘涼，慢慢睇，慢慢揀。
老友話呢啲公園阿妹，好多時都係打游擊，間唔中因為手緊先出嚟搵食，所以有好多都係好新鮮，唔係做到殘晒嘅企街。當然因為咁嘅質素，先吸引到老友去見識，不過佢話傾過一兩個阿妹，都好識開價，畀去夜總會仲貴，而且又唔知佢乜頭乜路，所以佢都係勒住條繮，除非真係心儀得好緊要，不過作為瞄女行程，就真係一流。因為好多囡囡都着到好性感，身材又好有睇頭，有時候為咗吸引目光，特登擺出好誘人嘅姿勢，梗係多嘢瞄架喇！
撰文：荒木