正所謂橋唔怕舊，最緊要受，呢句話真係講得一啲都冇錯之餘，更係夜場起死回生嘅靈丹妙藥。點解咁講？事緣較早前遇到個相熟嘅夜總會經理，佢話生意相當麻麻，要諗計搞一搞佢。言猶在耳，早幾日又遇到呢個經理，見佢心情大好，面上更泛紅光，應該係個場生意有起色啦！
佢大笑道：「家陣個場每個禮拜都搞主題之夜，玩家多咗，高質嘅囡囡見生意好，梗係即刻嚟埋堆，生意真係好好多呀！」主題之夜即係絲襪、內衣、高踭鞋等之夜咁解。不過呢種玩法好耐之前已經有，早就畀人玩到爛晒啦！佢表示話雖如此，但只要有噱頭，兼且囡囡有樣有身材嘅話，就算條橋幾咁舊，都仍然吸引到玩家捧場，而最重要係近年內地經濟好咗，吸引到唔少以前未玩過呢啲乜乜之夜嘅內地玩家嚟玩。從呢個故事可以得知，只要肯搞吓嘢，鹹魚都有番身之日。
特攻語錄：條橋再老套，有總好過冇，級數係Model，使驚生意冇？
撰文：鋼炮仁