「大隻」讀者來信：本人36歲，與太太結婚6年，3年前想生孩子，於是性生活開始不設防，但一直沒有成功，於是兩夫妻想了很多方法，中西醫都睇過唔少，但都無法令太太懷孕，後嚟決定驗身，最後發現我患咗輸精管堵塞的毛病，令我嘅精液無法進入太太體內，但自問身體健康，長期有大量運動，現想請問一下，點解會有輸精管堵塞的毛病出現？
答：出現輸精管堵塞的毛病，情況有很多，例如先天性輸精管發育不良，但呢種情況比較少，所以懷疑係後天造成，而情況常見就係生殖器官曾經受病毒感染，導致輸精管內發炎，病情好轉後管內殘留的結疤會造成阻塞。另外，亦有可能是出現生殖器官病變，最常見是腫瘤或者增生，剛好壓着輸精管，導致出現堵塞；還有一種就是手術後遺症，小時候做過疝氣手術嘅朋友，特別要留意，可能當年做修補時，把輸精管道壓住，亦會出現呢種問題，要想清楚病因，最好請教醫生，而且治療方法，亦會因病原而有不同，可能食藥可以，但亦有可能要開刀根治。
撰文：陽起子