最近內地有個調查話八成剩女都係三高人士，包括高年紀、高學歷、高收入，佢哋由於專心工作，所以一直都嫁杏無期，消息一出，大批光棍都磨拳擦掌，準備向佢哋下手，但喺廈門有間夜總會就搶先推出女主管之夜，等大家可以優先體驗。
老總要求全場囡囡都要以主任或經理嘅形象示人，所以當你走入去夜總會嘅花街揀囡囡時，就會發覺好似入咗大企業嘅營業部一樣，個個囡囡都以套裝衫裙示人，有啲囡囡仲紥埋個髻或者戴副冇鏡片嘅眼鏡，真係逼真度攞足一百分，而囡囡除咗外形之外，佢哋全都攞個名牌包包，當然大半係假貨，但有部分竟出私伙名貴包包，真係落足本去打扮，所以客人如果係普通人，真係會畀佢哋嚇窒，至於係大老闆們當然另當別論，由於囡囡身份好似升高幾級，故客人能與囡囡共聚都與有榮焉。
而且老總仲暗下規定，客人第一次嚟捧囡囡場嘅話，一定唔可以出街，除非囡囡得老總批准至可以，否則一定要吊吊客人嘅胃口，當客人第二次嚟捧囡囡場時，就可以隨囡囡喜歡出唔出街，老總咁做目的就係要令囡囡自抬身價，畀人覺得唔係隨便出街，客人就冇咗買賣嘅心態，反而有種追女仔嘅感覺，而囡囡扮鬼扮馬有乜嘢好處？原來肉金提升咗好多，以前三六九，家陣要五百一千，一千仲係短聚，包夜要面議，囡囡賺多咗自然冇詐型，而客人玩得多，話唔定真係可以向三高剩女埋手。
撰文：小德