唔知大家有冇留意今年春節過後，返嚟夜場開工嘅囡囡，竟然十居其九都係河南或者東三省嘅靚女，佢哋個個都身材高大，而且樣子甜美，反而最常見嘅湖南湖北同四川囡囡就少咗好多，好奇問個夜總會老總，啲南方佳麗去晒邊度？老總話啲囡囡全部都北上搵銀，又會咁奇怪，有囡囡要北上掘金，但亦有囡囡要南下搵錢，如果北方好搵啲，應該全部都留喺北方啦！又點會有北方嘅囡囡南下呢？老總話可能係人離鄉賤，物離鄉貴嘅道理，囡囡離鄉別井當然辛苦，但如果當自己係貨物嘅話，佢哋就會十分吃香，據聞北方啲老闆成日見慣啲東北佳麗，覺得冇味道，相反，就會視南方囡囡為珍品，據講夜場更將以四川美女列為頂級美女，一般小費二千，佢哋可以叫價到三四千，真係翻兩番，難怪紛紛北上掘金啦！