渡海濠情：鏡房銷魂 嚇到頭暈
好多朋友都喜歡去鏡房親熱，因為身邊全部都係鏡面反射，同愛侶嘅每一個親熱動作，都可以盡入眼底，視覺效果大增，但今日介紹嚟自金龍夜總會嘅靚女盼盼，佢就話：「喺鏡房裏面親熱，又真係幾刺激，但要我喺裏面瞓覺，我真係唔制呀!」
不可思議
原來盼盼喺鏡房裏面有過陰影，所以令佢唔敢再入鏡房住宿，究竟發生咗乜嘢事呢？盼盼話：「我有一次同男友去開房，嗰間酒店三面都有鏡，起初第一二次真係好刺激，因為任何方位都睇到我哋喺度做緊乜，真係充滿視覺效果，我記得當晚我哋就大戰咗五次至瞓覺，就係唔知太攰定係乜嘢原因，瞓到半夜嘅時候，不可思議嘅事情就發生咗!」究竟發生咗乜嘢事呢？盼盼話：「當時我半夢半醒之際，突然見到身後有人企咗喺度，但男友明明就喺眼前，企喺度嘅究竟係邊個呢？」
虛驚一場
唔通見到啲那渣嘢？睇嚟要搵師傅出馬至得！盼盼話：「我諗住唔理佢就會冇事，點知過一陣望吓，又見到佢企咗喺度，於是叫醒男友睇吓，男友坐起身一望，話乜嘢都冇就繼續瞓，但我偷望一眼，竟然仲喺度，我又搖醒男友睇吓，男友睇完又話冇，個衰嘢仲問我係咪想再嚟一次，有人睇住仲邊度敢亂搞嘢，於是大被蓋頭瞓覺，轉眼瞓天光，瞓醒抬頭一望，企喺度嘅原來係個企身掛衣架，加埋男友件外套，真係畀佢激死，事後去鏡房短聚冇問題，但去過夜就真係咪搞啦！」
盼盼profile
年齡：21歲
三圍：33-23-34
興趣：食嘢
撰文：小德 攝影：阿生