較早前，有消息指出台灣特色，一度收斂嘅檳榔西施又好似再度活躍起嚟，相信唔少遊客都會去觀光一番，睇吓佢哋有幾性感，有幾豪放。不過，除咗檳榔西施之外，台灣良家婦女嘅豪放程度亦不遑多讓。早前，台灣某個運動服裝品牌舉辦一個「無褲日」活動，話係響應紐約同類型活動，一齊宣揚減低碳排放以及崇尚自然嘅簡約生活喎。而活動當中，有成20個台灣美媚齊齊唔着褲，下身只係着內褲上陣，佢哋仲豪放到通街走，兼搭地下鐵，如果當日我喺現場就好喇。