播種特攻:老友飯盒咪走雞

有啲玩家好有原則,覺得人哋嘅飯盒,係唔可以食嘅,亦有啲玩家覺得飯盒唔同女友,本住食得唔好嘥嘅原則,實行有食過冇放過。如果你問我係邊類嘅話,我一定會話畀你知屬於後者。唔好話我冇道義,只係因為歡場無真心,飯盒就係飯盒,唔會亦唔可以成為自己條女。當然,喺食之前要睇吓個老友,佢係咪小器之人,或者視飯盒為自己獨享菜啦!

好似朋友A咁,佢之前同個飯盒打得火熱,卻過咗一個月就冇聯絡。有次朋友B上去玩,遇到朋友A個飯盒,對方就跟埋佢去玩,飲得幾杯仲去埋酒店爆房添!朋友B諗住反正朋友A都唔要,應該都冇乜感情,返到香港就同朋友A講番起呢件事。點知朋友A即刻扯火,質問佢點解郁佢條菜,仲搞到反埋面。其實女呢家嘢,開心完咪算,使乜咁認真呢?而透過呢件事,大家喺啅人哋飯盒前,記得先睇吓老友係乜嘢人,費事搞到嘈交就無謂。

特攻語錄:歡場冇真愛,照啅該不該?飯盒擺唔耐,打場友誼賽!

撰文:鋼炮仁