小弟就讀中學嘅時候，曾經因應學校嘅要求，而聯同成班同學去睇話劇，然後返屋企寫課外活動報告。寫報告其實事小，小弟完全唔識得欣賞話劇，全場悶到發慌至係最淒涼。如果，當時有全裸話劇睇就一定唔係咁慘喇。乜有全裸話劇上映咩？不久嘅將來一定會有！早前，美國韓裔話劇作家李恩真（譯名）已經創作出一套由演員作全裸演出嘅劇目，名為《Untitled Feminist Show》，入面六名女演員全部都一絲不掛咁由頭演到尾，有機會真係要睇吓喇！
撰文：小德