今日糜博:韓企街愛日客

人仔兌港元愈來愈值錢,所以大家不難發現家陣好多商店都主打招呼內地客,大賺人仔。而同人仔一樣係咁升值嘅貨幣仲有日圓,為咗賺日本人嘅錢,南韓嘅企街女仲專門勾引日本遊客添!根據早前朝鮮日報嘅報道指出,由於日圓對韓圜屢創新高,所以熱門旅遊點明洞一帶嘅大小旅店有好多企街女專做日本客生意,令當地嘅黃色風氣愈來愈盛,其實我哋中國人都好多銀吖,而且人仔一樣咁值錢,不如主打內地遊客生意好過啦!

內衣展顯潮流

作為一個有品味嘅男人,應該對女人嘅衣着潮流有敏銳嘅觸覺。不過,除咗有特殊癖好,又有幾多男士會清楚了解女人嘅衫褲鞋襪?咁又點做一個高品味男兒呢?

唔了解唔緊要,識欣賞就得啦!最近巴黎嘅國際內衣展Salon International de la Lingerie隆重開幕,入面展出咗好多時款嘅男女裝內衣褲,有好多火辣模特兒着住嚟展出,相信一定可以吸引到大家,勾起大家對內衣褲嘅興趣。

撰文:賢