今日介紹一位嚟自成都嘅新疆靚女畀大家認識。有人馬上會問？究竟靚女係成都人定新疆人呀？佢老家係新疆，家陣住喺成都，而且仲成為人氣模特兒，佢嘅名字叫做鄭安琦。阿女身材高挑，有174cm，絕對係做模特兒嘅材料，而佢除咗拍攝雜誌同廣告硬照外，仲周不時做車模，特別係成都車展嘅話，更係以半個主人家咁出席。我一啲都冇誇張呀！因為安琦喺龍友心目中嘅地位十分之高，每次有車展都會問佢會唔會去？安琦如果去嘅話，一定會引嚟數百位龍友到場。此外，咪以為安琦密密實實，原來佢只要露少少出嚟都足以令人噴血後再噴血，好似佢嘅泳衣照就真係令人眼前一亮。佢嘅身材真係好火辣，所以希望安琦今年拍多啲性感照就皆大歡喜啦！