播種特攻:醉成爛泥

成日同啲好飲杯中物嘅玩家講,如果想去劈酒嘅話,千祈唔好去夜總會;如果想夜晚有着落,可以攬女曳曳嘅話,千祈咪喺夜總會度追酒飲。有啲人都仲係唔聽,見酒就劈,有酒就隊。結果?咪第二朝畀足肉金,卻係成晚同囡囡各顧各咁瞓囉!

話說嗰日出發前,成班老友早就同朋友A講明,如果佢再追酒飲,飲到一撻爛泥嘅話,咁就咪同人哋成班人齊齊去夜總會玩。事關朋友A有唔好嘅紀錄,鍾意劈到自己冧不特止,酒品仲要唔好,一飲大咗就周圍瞓。佢聽到班老友咁講,即刻誓神劈願話冇問題,事關佢都好想去曳曳。既然佢咁講,眾人只好信佢。點知佢一落場就係咁追酒飲,起初眾人唔理佢,佢就捉住班女係咁隊。隊自己件咪好囉!佢竟然連人哋嘅女都隊,結果眾人夾手夾腳夾咗佢返房,然後畀錢佢條女叫佢走先!第二朝,朋友A全程粒聲唔出。梗係啦!知衰嘛!

特攻語錄:

買醉梗係去酒吧,落Club買醉盞丟架。冇女攬住度春宵,落寞嘥錢點過招?

撰文:鋼炮仁