今日介紹一個嚟自成都嘅靚女，名字叫做郭南汐，英文名Sakina，佢嘅特色係留有一頭長髮，如果要扮純情，就會梳直佢，馬上就會畀人有種清新脫俗、秀麗可人嘅感覺，而當佢要扮性感狂野嘅時候，只要將頭髮稍稍電曲，就會有狂野奔放嘅效果，真係話變就變，大家都好好奇Sakina平時究竟係斯文型定狂野型嘅囡囡？而據佢喺網上留言得知，原來佢係宅女一名，一做完嘢就會返屋企，邊度都唔去，而且仲係瞓落床就唔想郁嗰隻，唔通佢身邊有男朋友，可以照顧晒佢啲飲飲食食及一切需要，所以就可以足不出戶？有冇男朋友真係只有佢至知道，但佢嘅粉絲出晒名多，就係人都知，單係有新相一推出，班粉絲就會爭相將佢嘅照片轉貼，所以人氣一直有增無減，睇嚟Sakina嘅勢仲有排紅呀！