小弟在此恭祝各位朋友2012年一帆風順，身體健康。不過話時話，無論乜嘢經濟分析員都話香港今年經濟有下行風險，實在令小弟有少少擔心，但係憂心都係多餘，我哋香港人最叻就係逆境自強，當然如果奮鬥嘅時候有美女相伴就最好啦！今日就介紹三個印上巨乳美女嘅月曆畀大家，等你新一年攀上高「峰」！
曾幾何時，黃色漫畫盛極一時，相信唔少朋友第一次睇鹹書都係睇呢類漫畫喇，到家陣亦歷久不衰。而今日第一個介紹畀大家嘅巨乳美女月曆就正係繪製而成。呢個Pin-Up Girls 2012 Mini Wall Calendar由知名美國畫家Gil Elvgren繪製。講起Pin-Up Girls呢種懷舊繪畫美女，其實係美國嘅其中一種流行文化，Pin-Up呢個術語早於1941年就已經出現，由於人們鍾意將印有Pin-Up Girls嘅明信片或海報釘於牆上細心欣賞再進行幻想，所以就叫做Pin-Up（釘起）喇。而呢個月曆雖然係漫畫，但係入面嘅美女又性感又美艷，雙峰唔似得日本漫畫美女咁大過你個頭咁誇張，而懷舊打扮亦別有風味，所以此月曆亦極具收藏同欣賞價值o架。
Pin-Up Girls 2012 Mini Wall Calendar
售價：約HK$70
大家仲記唔記得2009年嘅時候，國際球壇有咩大事發生呢？阿根廷幾經辛苦之下終於喺世界盃外圍賽出線？定係香港隊贏得東亞運冠軍呢？對於小弟嚟講，美國Lingerie Football League（LFL）內衣美式足球聯賽舉辦就最令小弟印象深刻喇。呢個LFL係一個七對七嘅女子美式足球比賽，入面嘅女球員個個都只係穿內衣上陣，令球賽肉光四射，比賽途中波濤洶湧，睇過嘅都會血脈擴張再擴張！今年為迎接新一年，Lingerie Football League嘅女球員就拍下性感火辣嘅玉照，製成月曆畀大家買返屋企慢慢欣賞，班女球員固然惹火，最正仲係佢哋特別為雙峰抹油，呢種油潤感覺令官能刺激激增再激增！
Lingerie Football League Wall Calendar
售價：約HK$116
為咗籌募活動經費，早年有唔少女子團體決定用到佢哋最厲害嘅武器——身體，拍下裸體月曆，由於月曆夠噱頭又有睇頭，所以每每要加印完又加印。早前，英國有一班女大學生就照辦煮碗喇。一班來自Bristol大學投球部嘅20位女大學生，為咗籌募課外活動經費，因而踏上拍裸體月曆一途。雖然班女學生冇三點盡露，但係三點只係用手或投球僅僅遮掩，露出度極高，真係引人入性，即使大家唔識得乜嘢叫做投球，都應該買個嚟支持一下。
Bristol U. Netball's Naked Calendar！
售價：約HK$85
撰文：賢