只要係老練嘅玩家，都知道同囡囡一齊，千祈唔好講感情，萬一有感情就出事！朋友E自認係夜場老手，每次去玩都好有節制，事事都係講金唔講心。以為佢呢亭咁理智嘅人，絕對萬無一失，殊不知佢早排竟老貓燒鬚。話說佢有個長期搵開嘅囡囡，屈指一算，都搵咗佢三、四年。有日囡囡話屋企有人病咗，問老友借近十餅嘢嚟醫病。
正常情況下，朋友E都唔會應承，弊就弊在佢識得囡囡太耐，知佢份人擔嘢唔偷食。佢嘆咗口氣話：「有次我漏咗個裝住八、九千人仔嘅公文袋喺佢手袋度，而當時我同佢不算太熟，而畀着一般囡囡，早就轉場玩失蹤啦！點知我落到深圳就收到佢個電話，問點樣至可以畀番啲錢我，你話佢咁老實，點估得到佢借完錢後，就閂埋手機呢？」朋友E曾經去過夜總會搵佢班姊妹，點知佢班姊妹話只係知道囡囡個藝名，佢住喺邊同埋當地有乜親戚都唔知，今勻睇嚟啲錢真係凍過水。朋友E苦笑道：「估唔到我喺夜場打滾多年，都會咁失策，真係烙到爆呀！」
特攻語錄：講金唔講心，凡事最認真；萬一講咗心，抵畀人搵笨！
撰文：鋼炮仁