播種特攻:飲湯的藝術

最近天氣有啲凍,上去內地玩嘅朋友,好多都識得去啲福建小店,飲佢哋啲原盅燉湯,烏雞湯都係七八蚊一盅,燉白鴿湯價錢亦一樣,就算最貴嘅燉鵪鶉湯,都係十二三蚊左右,飲完之後,全身暖晒,雖然湯裏面冇乜落藥材,就算有落,都唔慌多,所以功效有限,但飲完盅暖笠笠嘅肉湯,真係精神晒,最啱辛苦之後,飲盅肉湯,再搭車走人,真係人生一大快事,亦會令整個行程畫上完美嘅句號。講開燉湯,如果手頭鬆動嘅朋友,可以去附近酒家食肆飲佢哋嘅牛鞭湯,據講落料充足,飲完後功效發揮時,會令人全身發燙,呢啲燉湯記住最好事前飲用,咁樣就會有唔錯嘅效果,但有老友話如果事後至飲用,返到香港至有反應,盞搞到成晚瞓唔着添,所以喺內地飲燉湯,千祈咪搞亂先後次序,變得弄巧反拙呀!

特攻語錄:燉湯有分別,先後咪搞錯!

撰文:馳力王