日本AV界有時真係幾無恥，因為佢哋一見到某女藝人成功上位，就會千方百計，搵出同該藝人相貌相近嘅女優，扮成其A貨拍三仔，企圖借對方名氣嚟催谷銷量。最近，AV廠MAX-A又玩呢味嘢。事由早前盛傳日本知名女子組合Morning娘嘅成員加護亞依，因為走頭無路要下海拍AV，消息令日本藝能界同AV界都極為震撼。MAX-A見到亞依拍AV咁有噱頭，於是就搵出一個同亞依相當神似嘅新人女優，仲要改名為加護芽依，意圖混水摸魚，令AV迷以為亞依真係下海，大家記住唔好上當呀！
撰文：小德