大家行過大街小巷，都可能會於牆壁或電燈柱，見到尋狗尋貓或尋人嘅啟事。雖然上面寫住有薄酬或厚酬，但係一張簡簡單單嘅啟事，未必能夠引起途人注意，同激起大家嘅熱心。其實，貼啟事嘅人士，大可參考美國呢位叫做Arlene Corona嘅女大學生。呢位俏女郎隻愛犬早前無故失蹤，搞到女郎哭成淚人。後來，阿妹決定變身成為性感人肉尋狗啟事，換上比堅尼出街舉起愛犬嘅照片，呼籲各界幫手，雖然到家陣仲未尋回愛犬，但係就引起途人及媒體關注，應該有好多善心人幫手喇。
撰文：小德