渡海濠情：長髮為集郵 獻身把君留
長頭髮嘅靚女大家一定見過唔少，但啲頭髮長到落屁股嘅例子，相信大家冇乜見過，今日要介紹嘅澳門囡囡，就擁有一把又長又直嘅秀髮，而且真係長到落屁股，佢就係嚟自利澳嘅玲玲，囡囡仲話為咗保養呢把頭髮，每日要花上三、四個鐘頭，認真誇張！
等待英雄
首先要問問玲玲，留咗呢頭長髮有幾耐先？玲玲話：「細細個已開始留，一直留到依家，只係有時見到髮尾開叉，先至會去髮型屋修修髮腳。」咁咪有成廿年歷史，玲玲笑而不答，之後問佢點解咁喜歡留長頭髮？佢就話：「我細個嗰陣，見到啲姐姐留長頭髮好靚，咁我咪學人留囉！」咁有冇男仔喜歡你嘅長髮呢？「讀書時冇乜人喜歡，而且經常畀啲男同學揪住我條孖辮嚟欺負，但總有人喺危急關頭救我，我見既然留長頭髮可以吸引到英雄出現，所以決定一直留落去。」
熱愛集郵
咁英雄出現咗，事後你有冇以身相許呢？玲玲話：「細個時當然唔會，但就識多咗啲朋友仔！讀到中學，經常畀我識到啲師兄，佢哋既高大又靚仔，如果唔係有機會畀佢哋相救，我都幾難認識到佢哋，由於近水樓台，所以我話要以身相許，都唔係一件困難事！」睇嚟玲玲都好喜歡「集郵」喎，唔知佢憑一把長髮，集到幾多師兄呢？「學校嘅十大校草，我就集到六個咁多！」真係人不可貌相，外表斯文嘅玲玲，原來係集郵女生，真係估唔到，但見佢身材出眾，畀佢集吓都唔係好蝕底架！
玲玲小檔案
年齡：21歲
三圍：33、23、34
興趣：照顧長髮
撰文：小德 攝影：阿昌