渡海濠情:胸懷大志 自封冧巴溫

號稱「中國第一美胸模特兒」的張茜,有傳獲廣西玉林市第十二中學聘為名譽校長,夠神奇冇?雖然有相為證,但事後才知是一則博宣傳嘅鬧劇,而夜場界也有人趁機抽水一番,澳門富城會菲菲就自封「夜場第一胸模」,仲叫各位男士多多「指」教喎!

心口掛勇字

呢個世界,只要你敢行出嚟認屎認屁,隨時有機會上位!好似PR菲菲,對外對內都以「夜場第一胸模」自居,搞到一班姊妹笑唔停口。查實以菲菲嘅料子,點秤都未有資格認第一,點解仲要咁講呢?「唓,今時今日乜有需要對自己講嘅嘢負責任咩?大家都係當笑話聽完就算,對人哋講嘅嘢認真,你就輸啦!所以我冇考慮或理會過其他人嘅觀感,純粹鍾意認就認,只係大家欠缺幽默感啫!」吓,自認第一畀人笑,仲話人冇幽默感,阿妹份人都好掂噃!「都幾架!衰得過我夠膽講,講完又的確多咗男人嚟見識我呢位胸模,夜總會生意大增,係咪要多謝我至啱!」好彩阿妹副尊容唔算趕客,否則早就收咗工啦!

着數自然來

自認第一胸模對夜總會生意有好冇壞,咁你自己又點先?「我求名多啲囉!好似內地啲乜模咁,有名自然有利,啲錢會飛埋嚟搵你,最緊要係你夠膽講就得。自從我認係『夜場第一胸模』,每晚至少有廿個客要搵我驗證吓,雖然佢哋未必認同我呢個稱號,但見到我咁弗,最後都忍唔住要拉我上房,咁你話有冇好處呢?」聽落又好似幾有道理,雖然阿妹身材唔算超勁,但勝在有對超長索腿,加上笑容親切,真係忍得住口至出奇!下次唔知你又認乜好呢?「乜模都冇所謂,最重要係各位老闆Buy咪得囉!」咁世界女,抵你紅呀!

菲菲小檔案

三圍:34、24、34

身高:5呎5吋

興趣:認叻

撰文:祖 攝影:賢