小木好多老友都係北上達人，唔知係咪玩咗咁多年之後，見慣晒北姑嘅白滑，對呢種肌膚已經無晒反應，仲話開始有啲厭添！不過老友最近搵到間古銅夜場玩，佢話入面嘅囡囡全部都有一身古銅健康膚色，對於見慣白滑嘅男人嚟講，又的確幾新鮮，佢仲話自己近排好鍾意食朱古力，唔再食白雲鳳爪喎！
其實呢種「朱古力妹」喺日本興咗好多年，近年已經回落咗！估唔到呢個風氣依家先吹到內地。不過小木唔相信有好多內地囡囡會鍾意搞到自己全身黑晒，事關佢哋對於自己嘅白滑肌膚一向都引以為榮，點會貿貿然搞黑佢。不過老友就話黑妹不知幾正，佢話囡囡皮膚經過太陽曬過之後，比以前仲緊緻好多，只要佢哋識得用護膚品潤番，咁就隨時比白皙皮膚更滑溜。而且呢啲古銅妹，大多性格豪放，最鍾意接受新鮮事，玩得夠放，老友最鍾意。
老友仲話呢啲古銅妹，喺內地物以罕為貴，所以好受男人歡迎，夜場生意絕對唔愁。佢話老闆仲打算下個月搞個朱古力派對，到時臨場男女全部都着上泳裝，雖然冬天已臨，但係有咁多火辣三點式囡囡圍住自己，老友話一定唔覺得凍，隨時仲熱到爆炸添！不過呢啲三點式古銅妹，都有渾水摸魚情況，因為老友話摸過一個囡囡，跟住自己成手都係粉底，佢就知囡囡係用化妝品上色，唔係真古銅，不過出嚟玩，最緊要高興，唔係太過分就唔好掃興喇！