徒弟仔：我哋夜蒲一族最希望就係可以透過夜間聯誼活動溝女，最理想嘅結果當然係搵到個一夜情對手啦。為咗呢種不時之需，所以我成日都會隨身袋住一個安全套。
大煲粥：以前我都試過袋咗個安全套，諗住隨時可以用。不過，成日都擺到過晒期都用唔到，於是索性遇到緊急情況至急急忙忙去買，咁就可以確保個安全套夠新鮮喇。
雞骨草：我本身都唔會隨身袋住個套，不過有一次，我就係落酒吧溝到索女，上到時鐘酒店房至發覺冇套用，焗住同酒店買，點知要成廿蚊一個，仲要係普通款式，真係肉都赤。
浪子椰青：我隨身都可以搵到一個安全套，但係以前試過畀女友摷到，審咗我成日。後來，我發覺有唔少情趣用品店都有賣，中間藏有安全套嘅鎖匙扣，咁就神不知鬼不覺喇。