播種特攻:正K假得了!

內地乜都假,連一啲正K場都要假!有爸打爆料指東莞十間K場七間假:「以往都話分正K邪K,依家你眯埋眼求其入一間,有需要一樣有女叫!」

原來,正K早已被邪K攻陷,就以其中一間正K場為例,只要人客忽然癮起有需要,嗌聲服務員就會幫你柯打囡囡直送K房,有雞頭解釋:「啲服務員九成都係我哋啲人,人客入到K房,飲多兩杯自然有需要,想嗌女保證十五分鐘內送到!」

查實此舉對夜場有利無害,既可以減低皮費,又可減低掃蕩機會,難怪早就安排囡囡或雞頭入正K場做「服務員」,目的只為拉客。有媽咪就話:「有啲客未必一坐低就想要女陪,正K就最啱佢哋,而且正K酒水點都比夜場平,吸引一班低消費玩家幫襯!等到周末或大時大節,我哋仲會拖定班囡囡入正K邊玩邊等客,由於正K客流量大,仲好過喺夜場等呀!」

特攻語錄:囡囡扮侍應,玩家隨時叫,邊唱邊攬女,正K假得了!

撰文:X戰士