渡海濠情：調皮女鬼 溝仔有計
今晚係外國人一年一度嘅「哈囉喂」，喺酒吧區，唔少人都會扮鬼嚟過呢個節日，講到扮鬼嚇人，嚟自澳門利澳水療嘅艾文，可以話係呢方面嘅專家，因為自小就係出晒名嘅調皮鬼，嚇人伎倆層出不窮！
廁所怪談
艾文話：「我哋細個時候真係好百厭，經常喺學校廁所，扮鬼聲嚇上廁所嘅同學，有時嚇得女仔多，仲偷偷走入男廁嚇男仔，周不時見到佢哋褲都唔着就衝出廁所。」咁你咪閱人無數？艾文話：「當然！」跟住佢仲話搞到就讀嘅學校，成為全市最多猛鬼傳說嘅學校，除咗喺學校搞搞震，仲會扮鬼周圍嚇啲街坊，最後畀媽咪捉到，當然打到屁股開花。艾文乜都夠膽玩餐死，點解可以咁大膽嘅呢？
孤屋夜話
艾文話：「可能自己喺城市長大，所以對呢啲事習以為常，反而覺得好好玩。」據講連男仔都唔夠佢大膽，而且前男友嘅初夜，都係嚇番嚟咁話。艾文話：「讀書時喜歡個男仔，但佢有女朋友，心裏面好唔舒服，有一次知道佢屋企冇人，於是借啲意去玩，乘機扮鬼嚇佢，又話有聲，又話有影，嚇到佢鼻哥窿都冇肉，最後佢唔敢一個人瞓，於是咪入佢間房陪佢瞓囉，跟住仲唔乘機出手，最後佢嘅第一次就落咗喺我手上。」據講今晚佢又會出動，睇吓邊個男仔唔好彩啦！
艾文Profile
年齡：21歲
三圍：34、23、34
興趣：嚇人
撰文：小德 攝影：阿章