不少男士面對楚楚可憐嘅女仔，都願意為佢而捨命，若然大家都有同感，好想由此引發自己嘅男士雄風，咁樣內地嫩模方藝蒙就啱晒大家喇。今年22歲嘅方藝蒙雖然生得接近5呎10吋，三圍亦有34-24-35咁火辣，但係絕對唔會予人野性難馴，強勢壓人嘅感覺，反而雙眼同表情時常流露出惹人憐惜嘅柔弱感，真係令人好想借個心口畀佢倚靠一番。正因為阿妹有呢份咁獨特嘅感覺，令佢參加內地某知名雜誌嘅模特兒比賽，奪得中國式性感亞軍以及特別上鏡獎。另一方面，阿妹除咗做模特兒有優秀表現，其實佢於舞藝上亦有水準，因為阿妹曾經就讀瀋陽舞蹈學院主修民族舞，大家大可以留意一下佢嘅舞台演出喇。