雖然鹹碟同鹹書唔係必需品，但係有咗佢哋，就可以令枯燥嘅生活得到點綴。若然某日，大家冇得再睇鹹碟同鹹書，會唔會覺得有如世界末日來臨呢？幸好呢個只係假設，但係美國嘅在囚人士就正正要面對「世界末日」喇！因為當地一座監獄由明年開始，將會嚴禁監獄內出現含有裸體元素嘅物品，此政策一出，就令在囚人士大感不滿，仲發表聯署行動以作抗議添。其實，在囚人士已經冇乜樂趣，連裸體圖片都唔睇得，真係好慘架！