事緣有老友最近去某夜總會，媽咪帶咗幾個相貌同身材都係OK之流嘅囡囡入嚟，然後同老友逐一介紹，話呢個囡囡個樣似足某內地女星，嗰個囡囡個樣又似某某內地女星。老友聽完就搔爆頭，皆因媽咪口中所講嘅內地女星名，佢一個都未聽過之餘，最讓佢氣頂嘅係價錢貴一般嘅囡囡四百人仔！老友就話：「唔好意思，你講嘅名我個個都唔識喎！我都係要啲『普通』嘅囡囡得喇！」點知媽咪就話：「咁你鍾意邊個明星，我同你搵過個吖？」老友隨口噏咗個名，媽咪轉頭又帶咗個囡囡嚟，但個樣卻一啲都唔似囉！媽咪仲夠膽話：「邊個話唔似呀？你睇吓佢個嘴一模一樣架！」咪就係得個嘴似囉！
特攻語錄：強屈囡囡似明星，愈睇就愈覺氣頂！
撰文：X戰士