播種特攻:一個月幫襯17次

馳力王喺內地骨場都算係見識唔少,大江南北嘅夜遊之地都幫襯過好多,不過真係未聽過有人可以一個月幫襯同一個骨女17次。呢個故事係我老友陳仔同我講,佢話之前去過一間好普通嘅東莞骨場,遇到一位好普通嘅骨女,但事後先知原來呢個骨女有個不同凡響嘅故事。老友話呢位骨女,外表真係好平凡,如果要畀分最多值60,至於服務方面,就有80,可能服務不俗所以都算係有幾多返頭客。不過經理介紹畀佢嘅時候,就同佢吹水話,之前有個香港同胞,一個月嚟足17次,每次都係點呢位骨女,搞到佢爆晒鐘,仲好鬼紅添!老友梗係唔信,話經理吹水唔抹嘴,經理就立即問隔籬個服務員,服務員立即答嘴話呢件事珍珠都無咁真,成個場都知道,仲叫得出客人名字。老友當堂信咗一半,不過親身體驗完之後,卻又有啲摸不着頭腦,雖然囡囡嘅服務都算好到家,不過真係唔值一個月幫襯17次囉!惟有相信嗰位師兄有可能畀鬼迷,或者囡囡撻着咗佢體內某一份激情!馳力王聽完之後,都覺得好佩服,自問已經冇咗呢份浪漫情操,事關一個月玩17次,唔好講體力先,淨係條數都好甘喇!

特攻語錄:樣子雖平凡,服務卻到家,難怪賺到笑哈哈。

撰文:馳力王