最近好多老友都話要北上會佳人，起初以為佢哋去夜場搵囡囡敍舊，但原來唔係，佢哋係上去同網友會面，即係所謂「Q女」，老友們興致勃勃咁話囡囡又靚又夠放，而且仲係「免費餐」添，我心諗邊有咁大隻蛤乸隨街跳呀？果然，隨後唔少老友都喊晒口咁返嚟投訴，話呢啲「Q女」事後都會問佢哋攞錢，費用由五百至二千元不等，比起高級夜總會嘅囡囡全套小費仲要貴，所以個個都呻笨。最主要原因，大家都以為係免費餐，所以事前冇講清楚，到第二朝就任人開價。
另外，有啲囡囡好醒，唔會直接問你攞小費，佢哋會好婉轉咁問你可唔可以幫一個忙，如果你話可以嘅話，咁佢哋就會話想出部電話又或者今個月冇錢交租，一部電話就要一千至千五人仔，交租就代表要五百至八百，開大開小就真係要睇囡囡心情啦！
特攻語錄：網上交友要留神，事後任劏頭都痕！
撰文：馳力王