能夠成功躋身內地知名車模，除咗要靚女，仲要好身材，由於要同身邊嘅名車配襯，所以氣質亦要高貴綺麗。不過，可能因為佢哋偏重於高雅，所以予人柔弱感覺，唔似得同係車模，但係又充滿陽光味道嘅劉從雲咁吸引。籍貫四川嘅從雲踏入時裝模特兒界之後，再殺入車模界。當然成功絕非偶然，阿妹佢除咗樣子俏麗，身材亦佳，5呎9吋嘅身高令佢睇落高挑誘人，雖然上圍稍欠睇頭，但係修長玉腿，以及一條23吋小蠻腰同樣令阿妹副偈引死人。阿妹為車展演出嘅時候，固然儀態萬千，但係我就較欣賞佢拍嘅寫真，因為佢以泳裝上陣固然吸引，加上取景通常都係陽光普照嘅泳池同海灘，配襯得阿妹更有陽光氣息，真係令人精神百倍！