慾浦團:誘人野戰營未打先興奮

成班麻甩佬放假最好玩啲乜?有人話係行山,有人認為最好去打波,但講到興奮又過癮,就一定係打野戰!事關美國邁阿密有個名為「Erotic Paintball Camp」嘅野戰營,不但可以讓男士過吓War Game癮,仲有班火辣索女陪玩,養眼兼誘惑,真係未打先興奮!

性感索女

近年美國興起玩Paintball War Game,所謂Paintball即係顏料彈,射落對方身上時,會留有一撻顏料,以茲識別係咪打中,等玩家唔使起爭拗。呢個喺去年開設嘅野戰營,佔地有成幾萬平方呎,營內更分為室外同室內兩個部分,等玩家可以進行室外或室內作賽。此外,野戰營更有旅館、餐廳、泳池等嘅設施,等玩家可以盡情地玩餐飽。話明係Erotic,呢個營當然唔單止打War Game咁簡單,原來野戰營內仲提供索女陪玩服務,玩家喺開戰前,可以先揀一班衣着相當性感,兼夾樣靚身材正嘅索女陪玩,唔使對口對面都係男人咁寡。

過足手癮

可能有玩家覺得,Paintball雖然係顏料彈,但打落身上都好痛,面對班衣着性感嘅索女,咪好易打到佢哋損手爛腳?其實所謂陪玩索女,佢哋並唔會真係落場同大家砌番場,只係喺度做吓花瓶,搞吓氣氛而已,例如當玩家開槍時,佢哋就會扮中槍,跟手就喺度剝衫嗌痛,請玩家眼睛食吓冰淇淋之餘,玩家亦可趁呢個機會,抽吓水過吓手癮啦!不過對真係想打War Game嘅玩家嚟講,會唔會覺得佢哋阻住晒呢?事實上佢哋玩咗一陣後,就會識趣地交番個場畀玩家,而佢哋則會轉到場外吶喊助威,絕對唔會妨礙戰事進行。

全程陪玩

等玩家盡興後,班索女就會陪番自己個老細,跟住梗係有下文啦!有曾經去過呢個野戰營嘅玩家表示,因為呢個營嘅套餐服務,以一日一夜起錶,所以嚟親嘅玩家,目的除咗打野戰外,就係希望趁呢個機會攬女曳曳。至於想幾時曳曳,呢位玩家笑稱其實睇吓自己點安排。佢哋最愛就係先同索女嚟個賽前床戰,之後先至再同班老友打野戰。另外,由於索女會全程跟足玩家關係,到咗夜晚如果玩家有興趣嘅話,大可以同拍乸到野外,打番場另類野戰添!雖然呢個野戰營過癮,但收費一啲都唔平,一日一夜套餐價就要成六百二十美金起,折合約為四千八百港幣,真係幾襟計架!

撰文:峰魂簫