內地嫩模好多都已經變成大紅人大明星，不過嫩模界當中，仲有好多極品可以由大家出錢請佢出嚟拍寫真，只要Click上佢嘅網頁，可以見到唔少嫩模都列明價錢添。而大家如果上過索爆嫩模林玉兒嘅網頁，則可能有少少失望喇！因為搵佢拍寫真、拍劇、拍廣告都有晒價錢，但係就偏偏唔拍內衣照。現年24歲嘅玉兒妹身材絕佳，身高5呎6吋，三圍34-23-36，玲瓏浮凸嘅身材真係令人稱讚。除此之外，玉兒樣子亦屬美人之列，特別係佢戴上Colour Con之後，特別美艷動人。由於阿妹又靚又好身材，所以唔少內衣廣告商都向佢招手。但係拍過幾輯之後，玉兒表示對自己嘅身材仲係有好多不滿之處，因此決定以後唔再拍內衣照，真係我哋男人嘅重大損失呀！