X戰士有好多老友雖然鍾意北上曳曳，但佢哋同時又好浪漫，成日都話要同囡囡溫馨，好似上星期有個老友又同X戰士講，佢終於遇到個心目中最浪漫嘅骨女，我心諗骨女都有浪漫，真係人都癲。不過佢唔認同，覺得去骨場都可以享受一刻嘅浪漫，事緣上星期佢去到一間新場，經理介紹咗個新到嘅湖南囡囡畀佢，佢一見到人就已經嗒晒糖，話好合眼緣，再加上囡囡同佢講今日係第一日落場，叫佢錫住自己。佢梗係信到十足十，仲好似當正自己係男朋友咁，又沖鴛鴦浴又談情談咗大半晚，加鐘都加咗幾次，都只係執咗一劑，打後就兩個人攬住瞓，佢話見到囡囡瞓喺自己嘅懷抱，突然間感覺到一陣幸福，馳力王梗係大叫撞鬼。事關X戰士有好多老友都係咁樣墮入咗色情陷阱，所以立即大大力點醒佢，可惜佢已經好似畀鬼迷咁樣。X戰士於是好心問吓佢依家諗住點樣，佢竟然話決定遲啲上去示愛，諗住包佢做小三，等佢以後淨係同自己一個溫馨。我心諗內地嘅小三，邊有咁善男信女淨係服侍你一個呀！