有時真係好羨慕家陣嘅後生仔，好氣好力又夠精壯，日玩夜滾都冇問題。忽然如此感慨，皆因尋日收到老友電話，話佢扭親條腰。事緣佢早幾日帶隊，帶住幾個後生仔北上夜總會見識。入到房，成班後生仔玩得性起，就各自攬住條女，話要比試一下床上功夫，睇吓邊個勁啲。話晒老友喺個場度都有啲名氣，加上囡囡推舉，只好決定玩埋一份。
只見個個後生仔抱起囡囡，齊齊大玩掛鼓。老友見狀二話不說，就將個蛇腰囡囡抱起，雙腳再嚟個四平馬，諗住掛鼓十拿九穩，點知力都未出，就聽到條腰卡一聲，佢即刻知道賴嘢！不過嗰時畀大家睇住，加上條腰又唔覺痛，於是頂硬上。點知入到房，條腰開始痹痛，返到香港更係痛到彎唔埋。佢忍唔住嘆氣話：「玩真係要趁後生，尤其係玩啲咁高難度嘅體位，真係不能夠不嘆句，歲月不饒人呀，陰功！」
後生仔有氣有力，玩乜體位都Alright，年紀大咗仲想砌，小心條腰會扭計！
撰文：馳力王