署名「歡場囡」女讀者電郵問：本人從事歡場搵食已有四年多，兩年前曾染上淋病，求醫半年醫生話已醫好，但發現性交快感頓失，且小便又痛又辣，尤其今個夏季，每逢性行為後小便，下體猶如被火燒感覺，甚至試過要暫停小便紓解痛楚，真係苦不堪言，再求診時，醫生又查不出原因，現想問是否淋病未清所致？
答：坊間不少性工作者都試過大大小小的性病，無奈所謂醫好後總有手尾跟。例如敏感部位容易感染或發炎，甚至心理恐懼，令性趣下降，至出現如「歡場囡」所指快感頓失。成年人總有錯覺，以為安全套係100%安全，但其實只要一有「破綻」，就可令你受感染，所以按「歡場囡」情況睇，再次染上淋病機會極大。如上述所言，部分人感染淋病後會出現併發症，例如有「非淋菌性尿道炎」，會出現小便「又痛又辣」症狀，經過性交，陰莖摩擦陰戶，更容易令炎症發作。
另外，性生活過度，亦會引發其他病或重複感染，講到尾性病並非曾經感染就有抗體，要避免唯一方法正是安全性行為！
撰文：祖