雖然朋友A家陣四張幾嘢，但係講到初戀情人，佢卻仍然耿耿於懷，皆因佢當年只係個情竇初開嘅小伙子，怕醜唔敢同對方曳曳，只係摸摸搓搓就算。及後因為誤會而分手，更係冇得再重溫舊夢！班老友見到佢咁長情，於是趁佢早排牛一，就事先發散人幫佢搵個同初戀情人差唔多樣嘅囡囡畀佢，諗住畀佢個驚喜啦！
經過班老友多番出動，終於憑住張相，搵到個有八成似嘅囡囡，並喺牛一當日同朋友A去到嗰間夜總會。朋友A見到個八成似嘅初戀女友，不知幾咁開心，仲拿拿臨同囡囡上房開波。本嚟班老友諗住佢今次實係狂轟猛炸，點知佢哋一支老威都未清，朋友A居然落番嚟，仲同班老友講話佢彈咗條女！班老友聽到就覺得出奇，莫非朋友A覺得唔啱Feel？朋友A嘆氣話：「囡囡係就係似樣，但係把聲似老牛，叫起床時更好似劏緊佢咁，搞到我冇晒性趣！唔知我可唔可以搵到個把聲同初戀女友一樣咁好聽，兼且又同佢似樣嘅囡囡呢？」真係畀佢吹脹！
撰文：鋼炮仁