笨占：雖然識咗女友差唔多一年，但講到上床卻係早幾日嘅事。點知平日斯斯文文嘅女友，上到床卻發覺佢好鍾意爆粗，粗口粗到冇晒譜。事後問佢做乜咁爛口，佢就話咁樣先至夠High又夠Wild喎！唔知大家有冇識過囡囡，同我女友一樣唔叫床，愛爆粗呢？
犀利哥：平日斯斯文文嘅囡囡，上到床居然鍾意爆粗？咁奇特嘅囡囡真係未遇過喎！會唔會係你女友平時睇得多四仔，搞到佢鍾意講粗口呀？須知道美國四仔嘅脫星，好鍾意喺男主角挺槍狂轟嘅時候大爆粗口，認為咁樣先至夠激，於是你女友咪有樣學樣囉！
自由人：我個前女友就係個咁嘅人！話說嗰時我同女友，連埋我娘親一齊住。本嚟佢High到爆粗，我都冇乜所謂。殊不知有日我娘親突然問我，我女友係咪好討厭佢，否則點解晚晚問候佢，搞到我不知幾咁尷尬。後嚟我同佢分咗手，娘親不知幾咁開心，話以後唔使晚晚畀人咒。
深海魚：我都識得一個囡囡，佢亦好鍾意爆粗。當時我問佢，點解一興奮就要講粗口。佢就話高潮嚟嘅時候，腦海一片空白，感覺就好似飲醉咗咁，呢個時候就會亂咁講嘢，經常爆咗粗都唔知道。雖然佢好爛口，但我唔知點解又覺得好High。唔知樓主，你又覺得High唔High呢？