播種特攻:男人做小三

鋼炮仁有好多老友都喺大陸有頭家,並唔係大家心目中所想嘅小三,而係真正髮妻,而且呢啲髮妻有部分仲係專業人士,不過一樣麻煩多多。好似有個老友嘅老婆就係內地嘅保險高級顧問,一個月有二萬多收入,好過好多香港人,所以佢一向都唔敢出去搞搞震,費事老婆唔要佢。但依家男女平等,男人唔搞,咪女人搞囉!

事緣近日佢老婆成日話出去按摩,搞到夜一夜先返屋企,佢早已起疑心,要知內地嘅按摩場所,好多都係色慾場所,男人去得滾,女人都一樣有得滾啫!於是有一晚佢就單人匹馬踏上骨場,周圍搵佢老婆,最終畀佢喺間按摩房,發現老婆正同個男技師鬼混,結果當然係大鬧收場喇!搞到成間骨場嘅人都知道佢戴綠帽。其實好多正骨場都有過夜房,仲可以鎖門添,變相成為咗唔少人嘅偷情地方,因為出入酒店太過揚,各自入骨場之後會合,就神不知鬼不覺。依家內地嘅「鴨風」都幾盛行,除咗港女光顧之外,內地都有唔少搵到錢嘅女人幫襯,所以小三唔一定係女人,男人都一樣做得!

特攻語錄:男女平等,大家齊齊滾。

撰文:鋼炮仁