人慾搜尋器：跳得又睇得秦夢擎

好多電影當中嘅女主角都係花瓶一個，對白甚少，通常只係行行企企，同模特兒差不多。呀！我講錯說話喇！因為好多模特兒唔只得個樣，其實仲身懷絕技，好似內地極品嫩模秦夢擎就更是睇得又跳得喇。秦夢擎畢業於首都師範大學之後，其美艷動人又富秀麗氣質嘅面孔受到模特兒公司賞識，因而提拔佢成為模特兒。

老實講，阿妹又真係正得好緊要，除咗面孔夠標致，身材仲相當好。擁有5呎5吋標準身高嘅擎妹，三圍有33-23-34，體態婀娜多姿，纖巧得嚟全身嘅肉地仲相當結實，原因係秦夢擎本身亦係舞蹈教練以及瑜伽教練，勤於習舞，因而令身材Fit到漏油。醉心舞蹈嘅秦夢擎仲參加過唔少比賽，例如第一屆世界體育舞蹈協會辦嘅Salsa舞錦標賽以及2007 CCTV Salsa舞國際錦標賽等等。