今日介紹嘅超級美女，係嚟自北京嘅超人氣模特兒剛小希，小希嘅名字十分女性化，但姓剛就充滿剛陽味道，一剛一柔，剛好喺小希身上充分發揮，唔信可以上佢嘅官方網頁睇吓，每輯攝影作品，既睇到小希剛陽活力一面之餘，亦睇到佢柔情似水嘅一面，令人百看不厭。但剛唔剛陽，柔唔柔情，對網友嚟講，並唔重要，最重要就係小希擁有35吋嘅導彈級巨乳，配埋性感打扮，每張照片都噴血度極高，不知令幾多宅男晚晚瀏覽時流晒鼻血。出道唔係好耐嘅小希，憑其完美嘅身材，好快喺模特兒界走紅，拍咗唔少大作，令人驚喜，而最近佢更衝出平面框框，走入電視圈，所以人氣一時無兩，但記住殺入娛樂圈搵真銀嘅同時，唔好忘記拍多一啲噴血寫真，事關咁好身材唔拍多啲寫真會好嘥啫！