最近好多老師傅都唔敢北上夜遊，事關大運會舉行在即，理應大鑼大鼓咁掃蕩整頓，但奇怪在竟然又風平浪靜，見慣大風大浪嘅老友，覺得愈係寧靜就愈危險，咁仲可能會暗藏殺機添，所以有經驗嘅老友呢排都唔敢輕舉妄動。
其實呢啲老師傅講得好啱，上面真係做緊嘢，據講有關單位，雖然冇大鑼大鼓咁整頓夜場，但個別派出所就低調出動，呢個月就拉咗唔少嫖友同囡囡，好似三名港警懷疑召妓被捕，就係喺派出所例行功課時捉到。大家咪以為派出所就拉得人少，一間派出所每日只拉四五個人為例，一個月就拉到百幾人，一個市裏面十幾間派出所，計起嚟一個月就過千人被捕，數字都幾得人驚，畀你一次過大行動，仲要拉得人多，你都咪話唔恐怖，所以近期都係少去為妙，免得成為例行公事下嘅犧牲品。
今日金句：風平浪靜藏殺機，大運前後咪偷雞。
撰文：馳力王