大友：我覺得女人最緊要有安全感，如果你表現良好，畀到佢超級安全感，佢就自然會鬆手啲，你估佢好得閒咩，日日Check住個老公，都係一件好煩嘅事，所以台戲一定要做得好足先得。
阿文：個個老婆都係跟得夫人架喇！你想引開佢哋都幾難喇！仲要你曾經斷正過，以後都唔使旨意有得鬼馬喇！勸你死咗條心，疊埋心水做住家男人，如果唔係，以後日子好難過架！
阿全：其實男人玩得多都會厭喇！我以前都成日玩，不過結咗婚之後，就修心養性，依家都完全提唔起興趣去玩，覺得浪費時間又花錢，不如擺多啲時間去搵錢好過喇！唔係第日老婆走咗佬，你就後悔莫及。